Lungsen PHC ah damlo admit leh zan duty chhunzawm theihloh

by Editor

Tualchhung News

ZORAM TODAY| 1st October, 2025: Primary Health Center(PHC) Lungsen a Medical officer chuan hriattirna ti chhuakin October ni 1, 2025 atangin Lungsen damdawiin ah damlo admit theih a nih tawh dawn loh thu a tarlang.

Lungsen PHC medical officer chuan, PHC-a Group D staff kan neih thin, IPA Fund atanga chhawr thin te Central atanga fund dawn thin a tawp tawh avangin chhawr chhunzawm theih an ni ta lo, a ti a.

"Chuvangin October 1, 2025 (Wednesday) atangin Lungsen PHC-ah Damlo admit leh Night Duty chhunzawm theih a ni dawn lo tih khawtlang mipuite kan inhriattir," a ti.

Group D staff-te kan neih belh hma chuan hetiang hian kal chhunzawm reng a ni rih dawn a, mipui te hriatthiamna kan ngen a ni, tih a tarlang bawk.

Zoram Today hriat danin Mizoram Health System Strengthening Project(MHSSP) hnuaia Internal Performance Agreement(IPC) fund kalpui chhunzawm anih takloh avang hian Mizoram hmun hrang hranga damdawiin te'n an tuar țan mek niin a hria.

( Zoram Today Facebook page, X leh Instagram te khawngaihin min lo follow ve ta che.)